మనకై యేసు-మరణించె

    మనకై యేసు-మరణించె
    మన పాపముల కొరకే
    నిత్య జీవము నిచ్చుటకే
    సత్యుండు సజీవుడాయె

1    తృణీకరింపబడె
    విసర్జింపబడెను   
    దుఃఖాక్రాంతుడాయె
    వ్యసనముల భరించెను       ||మనకై||

2    మన వ్యసనముల వహించెన్‌
    మన దుఃఖముల భరించెన్‌
    మన మెన్నిక  చేయకయే
    మన ముఖముల ద్రిప్పితిమి  ||మనకై||

3    మన యతిక్రమముల కొరకు
    మన దోషముల కొరకు
    మన నాథుడు శిక్ష నొందె
    మనకు స్వస్థత కలిగె       ||మనకై||

4    గొఱ్ఱెలవలె తప్పితిమి
    పరుగిడితిమి మన దారిన్‌
    అరుదెంచె కాపరియై
    అర్పించె ప్రాణమును         ||మనకై||

5    దౌర్జన్యము నొందెను
    బాధింపబడెను
    తన నోరు తెరువలేదు
    మనకై క్రయధన మీయన్‌   ||మనకై||

6    ఎదిరింప లేదెవరిన్‌
    లేదే కపటము నోట
    యెహోవా నలుగగొట్టెన్‌
    మహా వ్యాధిని కలిగించెన్‌    ||మనకై||

7    సిలువలో వ్రేలాడెన్‌
    సమాధిలో నుండెను
    సజీవుండై లేచెన్‌
    స్తోత్రము హల్లెలూయ        ||మనకై||