యెహోవా - నా బలమా

యెహోవా - నా బలమా 
యధార్థమైనది నీ మార్గం   
పరిపూర్ణమైనది  నీమార్గం

1. నా శత్రువులు నను చుట్టినను 
నరకపు పాశము లరికట్టినను 
వరదవలె భక్తిహీనులు పొర్లిన 
 విడువక నను ఎడబాయనిదేవా   ||యె||

2. దయగల వారిపై దయచూపించును 
కఠినుల యెడలను వికటము చూపును    
గర్విష్టుల యొక్క గర్వము నణచును
సర్వము నెరిగిన సర్వాధికారి    ||యె||

3. మరణపు టురులలో మరువక మొరలిడ 
ఉన్నత దుర్గమై రక్షణ శృంగమై
తన యాలయములో నా మొర వినెను 
అదరెను ధరణి భయకంపముచే ||యె||

4. పౌరుషము గల ప్రభు కోపింపగ     
పర్వతముల పునాదులువణకెను 
తన నోట నుండి వచ్చిన యగ్ని  
దహించి వేసెను వైరులనెల్ల     ||యె||

5. మేఘములపై ఆయన వచ్చును 
మేఘములను తన మాటుగ జేయును 
ఉరుములు మెరుపులు మెండుగజేసి
అపజయమిచ్చును అపవాదికిని ||యె||

6. నా దీపమును వెలిగించువాడు  
నా చీకటిని వెలుగగ  జేయును 
జలరాసులనుండి బలమైన చేతితో
వెలుపల జేర్చిన  బలమైన దేవుడు||యె||

7. నా కాళ్ళను లేడి కాళ్ళగజేసి 
ఎత్తైన స్థలములో శక్తితో నిలిపి 
రక్షణ కేడెము నాకందించి 
అక్షయముగ తన పక్షము జేర్చిన ||యె||

8. యెహోవా జీవముగల దేవా  
బహుగా స్తుతులకు అర్హుడవీవె 
అన్య జనులలో ధన్యత జూపుచు 
హల్లెలూయ స్తుతి గానము చేసెద ||యె||