సిలువే నా శరణాయెను-రా

    సిలువే నా శరణాయెను-రా
    నీ సిలువే నా శరణాయెను రా
    సిలువ యందే ముక్తి బలము 
    జూచితిరా    ||నీసిలువే||

1    సిలువను వ్రాలి యేసు
    పలికిన పలుకులందు 
    విలువ లేని-ప్రేమామృతము గ్రోలితిరా

2    సిలువను జూచుకొలది
    శిల సమానమైన మనసు
    నలిగి కరిగి నీరగుచున్నదిరా     ||నీ||

3    సిలువను దరచి తరచి
    విలువ కందగరాని నీ కృప
    కలుషమెల్లను బాపగ-జాలునురా ||నీ||

4    పలువిధ పథములరసి
    ఫలితమేమి గానలేక
    సిలువ యెదుటను-నిలిచి నాడనురా

5    శరణు యేసు శరణు శరణు
    శరణు శరణు నా ప్రభువా
    దురిత దూరుడ-నీ దరి జేరితిరా  ||నీ||