ప్రియ యేసు నిర్మించితివి

    ప్రియ యేసు నిర్మించితివి
    ప్రియమార నా హృదయం
    ముదమార వసియించుము నా 
    హృదయాంతరంగమున

1. నీ రక్త ప్రభావమున
    నా రోత హృదయంబును
    పవిత్రపరచుము తండ్రీ
    ప్రతిపాపమును కడిగి         ||ప్రియ||

2. అజాగరూకుడనైతి
    నిజాశ్రయంబు విడిచి
    కరుణారసముతో నాకై
    కనిపెట్టితివి తండ్రి            ||ప్రియ||

3. వికసించె విశ్వాసంబు
    వాక్యంబును చదువగనే
    చేరితి నీదు దారి
    కోరి నడిపించుము           ||ప్రియ||

4. ప్రతి చోట నీ సాక్షిగా
    ప్రభువా నేనుండునట్లు 
    ఆత్మాభిషేకము నిమ్ము
    ఆత్మీయరూపుండా           ||ప్రియ||