ప్రభువా నే నిన్ను నమ్మి

    ప్రభువా నే నిన్ను నమ్మి
    నిన్నాశ్రయించినాను
    నరులేమి చేయగలరు
    భయమేమి లేదు నాకు

1    గర్విష్టులైన వారు
    నాతో పోరాడుచుండ
    ప్రతిమాట కెల్లవారు
    పరభావ మెంచుచుండ
    ప్రభువా నా ప్రక్కనుండి
    నన్ను తప్పించినావు     ||ప్రభువా||

2    నే నెందు బోదునన్న
    గమనించుచుండ వారు
    నా వెంట పొంచి యుండి
    నన్ను కృంగ నెంచ
    ప్రభువా నా ప్రక్క నుండి
    నన్ను తప్పించినావు     ||ప్రభువా||

3    పగబూని వారు నన్ను
    హతమార్పజూచియున్న
    మరణంబు నుండి నన్ను
    కడువింత రీతిగాను
    ప్రభువా నా ప్రక్కనుండి
    నన్ను తప్పించినావు     ||ప్రభువా||

4    జీవంబు వెల్గువైన
    నీ సన్నిధానమందు
    నే సంచరించునట్లు
    నే జారిపోవకుండ
    ప్రభువా నా ప్రక్కనుండి
    నన్ను తప్పించినావు    ||ప్రభువా||

5    నన్నాదుకొంటి వీవు
    నన్నాదరించినావు
    కొన్నావు నీవు నన్ను
    మన్నించినావు నీవు
    ఎన్నాళ్ళు బ్రతికియున్న
    నిన్నే సేవింతు దేవ    ||ప్రభువా||