మా దేవా ! మా దేవా ! నీదు

    మా దేవా ! మా దేవా ! నీదు 
    విశ్వాస్యత చాలా     గొప్పది మా దేవా

1    దయామయుండగు - తండ్రివి నీవే
    తల్లిని మించిన దాతవు నీవె
    మాయా కల్పిత గాథల నుండి
    మంచిగ మము రక్షించితివి     ||మా||

2    కోడి పిల్లలను కాచెడి పగిది
    ఆపద లన్నిటి బాపితివయ్య
    సర్వకాలముల యందున నీకె
    చక్కగ సంస్తుతులగు నీకె       ||మా||

3    సింహపు పిల్లలు ఆకలి గొనిన
    సింహపు బోనులో నను వేసినను
    సిగ్గు కలుగకుండగ నను నీవు
    కాపాడుచున్నా వీ యిలలో      ||మా|| 

4    మరణ లోయ లందున నే నున్న
    తరుణములు నాకు విరోధమైన
    చరణముల్‌ పాడెడు విధమున నీవు
    నన్నొనర్చు చున్నావుగా         ||మా||

5    వ్యాధులు నన్ను బాధించినను
    వ్యాకులములు హృదయములో నున్న 
    వదలవు నన్నిల అనాథునిగ నెప్పుడు    
    నన్ను బ్రోచుచు నుందువుగా   ||మా|| 

6    నీదు సత్య మాకాశము కంటె
    అత్యున్నతముగ స్థాపింపబడె
    నీదు సత్యమును నీచుడనగు నా
    కనులకు ప్రత్యక్ష పరచితివి     ||మా||

7    పర్వతములు తొలగిన గాని
    పలువిధ కొండలు తత్తరిల్లినను
    పావనుడా నీ వెలలేని యట్టి కృప    
    నను విడువదు-హల్లెలూయా   ||మా||