నీజల్దరు వృక్షపు నీడలలో

    నీజల్దరు వృక్షపు నీడలలో 
    నే నానందభరితుడనైతిని   
    బలురక్కసి వృక్షపు గాయములు    
    ప్రేమా హస్తములతో తాకు ప్రభు

1.    నా హృదయపు వాకిలి తీయమని
    పలు దినములు మంచులోనిలచితివి
    నీ శిరము వానకు తడిసినను 
    నన్ను రక్షించుటకు వేచితివి     ||నీ||

2.    ఓ ప్రియుడా నా అతి సుందరుడా   
    ధవళ వర్ణుడా నా కతి ప్రియుడా 
    వ్యసనాక్రాంతుడుగా మార్చబడి 
    నీ సొగసును నాకు నొసగితివి   ||నీ||

3.    నీ పరిమళ పుష్ప సుగంధములు
    నా రోత హృదయమును నింపినవి   
    ద్రాక్షారసధారల కన్న మరి
    నీ ప్రేమే ఎంతో అతిమధురం   ||నీ||

4.    ఉన్నత శిఖరములు దాటుచును 
    ఇదిగో అతడొచ్చుచున్నాడు
    నా హృదయపు తలుపులు తెరచుకొని
    నా ప్రియుని కొరకు కనిపెట్టెదను ||నీ||

5    నీ విందు శాలకు నడిపించి 
    రాజులు యాజకులతో జేర్చితివి 
    జీవాహారము నా కందించి 
    పరమాగీతములను నేర్పితివి   ||నీ||