జీవోదయమై జీవము గలిగిన

    జీవోదయమై జీవము గలిగిన
    జీవపు తెరలేచె
    జీవాధిపతి మరణపు తెరలను
    చీల్చివైచి లేచె         ||జీవో||

1    పరమ మందిరము ప్రవేశింపగా 
    తెరచెను మార్గంబు
    పరమ శరీరపు తెర తెరచెను గుడి
    తెర చినిగె నిజంబు          ||జీవో||

2    ధరణియు వణకెను గిరులును గిరగిర 
    తిరిగి బ్రద్దలాయె
    పరమ గురుని మరణ రంగస్థలమున 
    మరణమె మరణించె         ||జీవో||

3    సూర్యుడు అస్త-మించెను నీతి
    సూర్యుడస్తమింప
    సూర్యోదయమిదె మూడవ దినమున 
    జూడ రండి వేగ         ||జీవో||

4    తొలకరి వాన కాలము గాన 
    తెలిసికొనుము లెమ్ము
    వెలుగును పొందుము-కడవరి వర్షా
    కాలమిదే రమ్ము         ||జీవో||

5    కడవరి వర్షా కాలము గనుక
    కనులు తెరచి చూచి
    అడుగుము యేసుని వర్షము కొరకు
    బడయు వరకు వేచి         ||జీవో||