మందలో చేరని గొఱ్ఱెలెన్నో

    మందలో చేరని గొఱ్ఱెలెన్నో
    కోట్ల కొలదిగా కలవు యిల
    ఆత్మల కొరకై వేదనతో
    వెదకెదము రమ్ము ఓ సంఘమా
    రమ్మనె యేసు
    రాజును చేరా-నడిపించు

1  అడవులలో పలు స్థలములలో
    నా ప్రజలెందుకు చావవలెన్‌
    వారి నిమిత్తమై శ్రమపడితిన్‌
    మరి వారిని వెదకెడి వారెవరు
    రమ్మనె యేసు
    రాజును చేరా-నడిపించున్‌ ||మంద||

2  ప్రకటించని స్థలములు కలవు
    చాటించు వారు కలరిచ్చట
    పిలువబడిన వారందరును
    మన ప్రభువాజ్ఞకు లోబడుడి
    రమ్మనె యేసు
    రాజును చేరా-నడిపించున్‌   ||మంద||

3  నాకై పలికెడు నాలుకలు
    నా వలె నడిచెడి పాదములు
    నన్ను ప్రేమించెడి హృదయములు
    కావలె నాకవి నీవిచ్చెదవా
    రమ్మనె యేసు
    రాజును చేరా-నడిపించున్‌   ||మంద||