సంతోషించుడి-యందరు నాతో

    సంతోషించుడి-యందరు నాతో 
    సంతోషించుడి
    యొక- వింతయగు కీర్తనఁ
    బాడ వచ్చితిని-సంతోషించుడి-నాతో    

1     అంధకార మయమైన భూమి 
    నా-ద్యంతము వెలిగింప
    దాని యావేశము దొలగింప
    వందితుండు క్రీస్తేసు
    నాథుడు వచ్చె బ్రకాశుండై
    భూమికి-నిచ్చె ప్రకాశంబు       ||సంతో||

2    కాన నంధకారంబు దొలగఁ 
    ప్రకాశించెను లెండు
    మీరు ప్రకాశింపను రండు
    మానవులనుసంతోషపర్చనై
    మహిని నవతరించె
    భక్తుల మనము సంతసించె   ||సంతో||

3    మిన్ను నుండి సంతోషోదయము
    మిగుల ప్రకాశించె
    హృదయ ములఁదగుల ప్రకాశించె 
    మున్ను జేయఁబడిన
    వాగ్దత్తము తిన్నగ నెరవేరె
    భక్తుల కన్నులాశ దీరె       ||సంతో||

4    ప్రీతియైన నీ పండుగ గూర్చి
    నూతన కీర్తనను
    గలసికొని-నాతో పాడుచును
    నీ తరిదూరస్థుల కీ వార్తను
    నే తీరున నైనఁ-దెలుపగ 
    నాతురపడవలెను       ||సంతో||

5    పాపులపై దేవునికి గలిగిన
    ప్రబలమైన దయను
    లోకమున జూపింపగ వలెను 
    జూపకపోయిన లోపము మనపై 
    మోపబడును నిజము వేగము 
    జూపుదమాపథము       ||సంతో||