ఇంతలోనే కనబడి అంతలోనే మాయమయ్యే

ఇంతలోనే కనబడి అంతలోనే మాయమయ్యే
అల్పమైన దానికా ఆరాటం
త్రాసు మీద ధూళి వంటి - ఎత్తలేని నీటివంటి - స్వల్పమైన దానికా పోరాటం
కాదు కాదు శాశ్వతం - ఏది కాదు నీ సొంతం
దాటిపోవును ఇలా - నీ సంపదలన్నియు
 
బంగారు కాసులున్న అపరంజి మేడలున్న
అంతరించి పోయెను - భువినేలిన రాజులు 
నాది నాది నాది అంటూ - విర్రవీగుచున్నావ 
చచ్చినాక నీది అన్న దేహమయిన వచ్చునా

మోయలేక బ్రతుకు భారం - మూర్చబోయిరెందరో
ఎదలోని ఆక్రందనలు - మారుమ్రోగే లోకంలో
ఆశ్రయించు యేసుని అనుకూల సమయంలో
చేర్చు నిన్ను మోక్షరాజ్యం - నడుపు నిన్ను శాంతితో