దేవుడు మీకు యెల్లప్పుడు

    దేవుడు మీకు యెల్లప్పుడు
    తోడుగనున్నాడు    (2) ||తోడుగ|| 

1.    ఏదెనులో ఆదాముతో నుండెన్‌
    హనోకు తోడ నేగెను
    దీర్ఘ దర్శకులతో నుండెన్‌
    ధన్యులు దేవుని గలవారు      ||తోడుగ|| 

2.    దైవాజ్ఞను శిరసావహించి
    దివ్యముగ నబ్రహాము
    కన్న కొమరుని ఖండించుటకు
    ఖడ్గమునెత్తినయపుడు      ||తోడుగ|| 

3.    యోసేపు ద్వేషించబడినపుడు
    గోతిలో త్రోయబడినపుడు
    శోధనలో చెఱసాలయందు
    సింహాసన మెక్కినపుడు       ||తోడుగ|| 

4.    ఫరోరాజు తరిమినయపుడు
    ఎఱ్ఱ సంద్రపు తీరమున
    యోర్దానునది దాటునపుడు   
    యెరికో కూలిన యపుడు       ||తోడుగ|| 

5.    దావీదు సింహము నెదిరించి
    ధైర్యాన చీల్చినయపుడు
    గొల్యాతును హతమార్చినయపుడు
    సౌలుచే తరుమబడినపుడు  ||తోడుగ|| 

6.    సింహపు బోనులో దానియేలు
    షడ్రకు మెషాకబెద్నెగో 
    అగ్నిగుండములో వేయబడన్‌
    నల్గురుగా కనబడినపుడు      ||తోడుగ|| 

7.    పౌలు బంధించబడినపుడు
    పేతురు చెఱలోనున్నపుడు
    అపోస్తలులు విశ్వాసులు
    హింసించబడిన యపుడు       ||తోడుగ||