దేవుని ప్రేమ యిదిగో

    దేవుని ప్రేమ యిదిగో
    జనులార భావంబునం దెలియరే 
    కేవలము నమ్ముకొనిన
    బరలోక జీవంబు      మన కబ్బును  

1    సర్వలోకము మనలను
    తన వాక్య సత్యంబుతో జేసెను
    సర్వోపకారుడుండే  మన మీద
    జాలి పరుడైయుండెను    ||దేవుని||       

2    మానవుల రక్షింపను
    దేవుండు-తన కుమారుని బంపెను
    మన శరీరము దాల్చెను
    ఆ ప్రభువు మన పాపముకు దూరుడే    ||దేవుని|| 

3    యేసుక్రీస్తను పేరున
    రక్షకుడు వెలసి నాడిల లోపల
    దోసకారి జనులతో నెంతో  సు - 
    భాషలను  బల్కినాడు    ||దేవుని||

4     పాప భారంబుతోడ
    నే ప్రొద్దు-ప్రయాసముల బొందెడి
    పాపులందరు నమ్మిన విశ్రాంతి- 
    పరిపూర్ణ మిత్తుననెను    ||దేవుని||

5    చావునొందిన కొందరిన్‌
    యేసుండు చక్కగా బ్రతికించెను
    సకల వ్యాధుల రోగులు ప్రభునంటి- 
    స్వస్థంబు తా మొందిరి     ||దేవుని||

6     గాలి సంద్రపు పొంగులన్‌
    సద్దణపి-నీళ్ళపై నడచినాడే
    మేలు గల యద్భుతములు ఈలాగు- 
    వేలకొలదిగ జేసెను    ||దేవుని||

7    చేతుల కాళ్ళలోను
    రారాజు-చేర మేకులు-బొందెను
    పాతకులు గొట్టినారే పరిశుద్ధ-
    నీతి తా మోర్వలేకన్‌    ||దేవుని||

8    ఇన్ని బాధలు బెట్టుచు
    దనుజంపు - చున్న పాప నరులను
    మన్నించు మని తండ్రిని యేసుండు- 
    సన్నుతితో వేడెను    ||దేవుని||

9    రక్షకుడు శ్రమ బొందగా
    దేశంబు-తక్షణము చీకటయ్యెన్‌
    రక్షకుడు మృతి బొందగా తెర చినిగి- 
    రాతి కొండలు-పగిలెను    ||దేవుని||

10    మూడవ దినమందున
    యేసుండు మృతి గెల్చిలేచినాడు
    నాడు నమ్మిన మనుజులు    చూచిరి 
    నలువది దినములందున్‌    ||దేవుని||

11    నమ్మి బాప్తిస్మమొందు
    నరులకు-రక్షణ మరి కల్గును
    నమ్మనొల్లక పోయెడు నరులకు- 
    నరకంబు సిద్ధమనెను    ||దేవుని||