స్తోత్రము యేసునాథా - నీకు సదా

1. స్తోత్రము యేసునాథా - నీకు సదా
    స్తోత్రము యేసునాథా
    స్తోత్రము చెల్లింతుము - నీదు 
    దాసులము - పిత్ర పుత్రాత్మలకు

2. నేడు నీదు నామ మం - దున మేము
    చేరి స్తుతించునట్లు 
    చేసిన కృపకై - నీకే నిరతము -
    స్తోత్రము చేసెదము

3. నీదు రక్తధారచే - కలిగిన -
    సజ్జీవ నవ మార్గము
    దాసులము తండ్రి - సన్నిధి చేరను
    నిత్యము స్వతంత్రము

4. ఇట్టి ప్రభావమైన - పదవిని 
    పురుగుల మగు మాకు
    ఇంత దయతోడ -
    నిచ్చిన కృప
    మా  కెంతయో నాశ్చర్యము

5. దూతల సైన్యములు –
    శృంగార గీతముల నెప్పుడు 
    రాజాధిరాజా నీకు -
    స్తుతులు పాడుచు -
    నార్భటించుచుందురు

6. నీవు తప్ప మాకు -
    పరమందున  వేరెవ్వరు గలరు
    ఇద్ధరయందు -
    నీవు తప్ప మాకు  ఆదరణ యెవరు