స్వచ్ఛంద సీయోను వాసి

    స్వచ్ఛంద సీయోను వాసి
    సర్వాధికారి కస్తూరి పూరాసి
    వర్తమాన భూత భవి-ష్యత్కాలవాసి 
    అల్ఫా ఓమేగ తానె
    ఆద్యంతము మన యేసే

1.    ఇదిగో నేనొక నిబంధనను
    అద్భుతముల జేతున్‌
    నీ ప్రజలందరి యెదుట
    పరిశోధింప జాలని మహా
    పనులెల్ల ప్రభువే
    లెక్కలేని యద్భుతముల్‌
    మక్కువతో చేయువాడు      ||స్వచ్ఛం||

2.    సంగీత నాదములతోడ
    సీయోను పురము
    సొంపుగను చేరితిమి
    శాశ్వత సంతోషము మా శిరములపై వెలసెన్‌
    దుఃఖము నిట్టూర్పును పోయెన్‌  
    మిక్కిలి ఆనందము గల్గెన్‌      ||స్వచ్ఛం||

3.    నీలముల పునాదులు వేసి
    నీలాంజనములతో మాణిక్యమణులతో
    సువర్ణశునీయముల సూర్యకాంతముతో
    ప్రశస్త రత్నములతో 
    ప్రవిమలముగ నిను గట్టెదను ||స్వచ్ఛం||

4.    సుమముల హారము 
    సంతోషానంద తైలము నీదే 
    స్తుతివస్త్రమును నీదే   
    ఉల్లాస వస్త్రంబు నీదే
    విడుదలయు నీదే
    హితవత్సరము విముక్తి
    ఆత్మాభిషేకము నీదే       ||స్వచ్ఛంద||

5.    జలములలో బడి దాటునపుడు
    బలమై యుండెదను
    నీ తోడై యుండెదను
    నదులలో వెళ్లునప్పుడు నీపై పారవు 
    అగ్ని మధ్యను నడచినను 
    జ్వాలలు నిను కాల్చగలేవు    ||స్వచ్ఛంద||

6.    ఇత్తడి తలుపుల బగుల గొట్టెద
    నినుప గడియలను
    విడగొట్టెదను నేను
    అంధకార స్థలములలోనున్నట్టి 
    నిధులను రహస్యములో 
    మరుగైన ధనమును
    నీకొసంగెదను               ||స్వచ్ఛం||

7.    గర్భమున పుట్టినది మొదలు
    తల్లి యొడిలోన
    కూర్చుండినది మొదలు    
    నేను చంకబెట్టుకొన్న-నాదు ప్రజలారా 
    ముదిమి వచ్చువరకు నిన్ను
     ఎత్తుకొనువాడను నేనే      ||స్వచ్ఛంద||