సీయోను పాటలు సంతోషముగ

    సీయోను పాటలు సంతోషముగ
    పాడుచు సీయోను వెళ్ళుదము

1.    లోకాన శాశ్వతానంద మేమియు 
    లేదని చెప్పెను ప్రియుడేసు 
    పొందవలె నీ లోకమునందు
    కొంతకాల మెన్నో శ్రమలు        ||సీయో|| 

2.    ఐగుప్తును విడిచినట్టి మీరు
    అరణ్య వాసులె ఈ ధరలో
    నిత్య నివాసములే దిలలోన
    నేత్రాలు కానాను పై నిల్పుడి ||సీయో|| 

3.    మారాను పోలిన చేదైన స్థలముల
    ద్వారా పోవలసియున్ననేమి
    నీ రక్షకుండగు యేసే నడుపును
    మారని తనదు మాట నమ్ము ||సీయో|| 

4.    ఐగుప్తు ఆశలన్నియు విడిచి
    రంగుగ యేసుని వెంబడించి
    పాడైన కోరహు పాపంబు మాని
    విధేయులై విరాజిల్లుడి       ||సీయో|| 

5.    ఆనందమయ పరలోకంబు మనది
    అక్కడనుండి వచ్చు నేసు   
    సీయోనుగీతము సొంపుగ గలిసి
    పాడెదము ప్రభు యేసునకు  ||సీయో||