ఎన్ని తలచినా - ఏది అడిగినా

    ఎన్ని తలచినా - ఏది అడిగినా
    జరిగేది నీ చిత్తమే ప్రభువా
    నీ వాక్కుకై - వేచి యుంటిని
    నా ప్రార్థన ఆలకించుమా - ప్రభువా

1.    నీ తోడు లేక నీ ప్రేమ లేక
    యిలలోన ఏ ప్రాణి నిలువలేదు (2)
    అడవి పువ్వులే నీ ప్రేమ పొందగా (2)
    నా ప్రార్థన ఆలకించుమా ప్రభువా ||ఎ||

2.    నా యింటి దీపం నీవే అని తెలిసి
    నా హృదయం నీ కొరకై పదిలపరచితి (2)
    ఆరిపోయిన నా వెలుగు దీపము (2)
    వెలిగించుము నీ ప్రేమలో ప్రభువా ||ఎ||

3.    ఆపదలు నన్ను వెన్నంటియున్న
    నా కాపరి నీవై నన్నాదుకొంటివి (2)
    లోకమంతయు నన్ను విడిచిన (2)
    నీ నుండి వేరు చేయవు ప్రభువా  ||ఎ||

4.    నా స్థితి గమనించి నన్ను ప్రేమించి
    నా కొరకై కల్వరిలో యాగమైతివి
    నీదు యాగమే నా మోక్ష భాగ్యము
    నీ యందే నిత్య జీవము ప్రభువా ||ఎ||