జయహే, జయహే

    జయహే, జయహే
    జయహే, జయహే
    జయ జయ దేవసుతా
    జయ జయ విజయసుతా    ||జయహే||

1  సిలువలో పాపికి విడుదల కలిగెను
    విడుదల కలిగెను
    కలువరిలో నవ జీవన మొదవెను
    జీవన మొదవెను
    సిలువ పతాకము జయమును గూర్చెను 
    జయమని పాడెదను
    నీ విజయము పాడెదను
    నా విజయము పాడెదను   

2  మరణపు కోటలో మరణమె సమసెను
    ధరణిలో జీవిత భయములు దీరెను
    మరణములో సహ జయములు నావే

3  శోధనలో ప్రభు సన్నిధి దొరికెను
    వేదనలే రణభూమిగ మారెను
    శోధన బాధలు బలమును వీడెను

4  ప్రార్థన కాలము బహు ప్రియమాయెను
    సార్థక మాయెను దేవుని వాక్యము
    ప్రార్థనలే బలి పీఠములాయెను

5  స్వాంతములో నిజ శాంతి లభించెను
    భ్రాంతులు వింతగ ప్రభుపర మాయెను
    స్వాంతమె సిలువకు సాక్షిగ వెలసెను