మనస యేసు మరణ బాధ

    మనస యేసు మరణ బాధ
    లెనసి పాడవే-తన-నెనరు జూడవే
    యా ఘనునిఁగూడవే
    నిను మనుప జచ్చుటరసియే
    మరక వేఁడవే       ||మనస||

1    అచ్చి పాపములను బాప వచ్చినాడట 
    వా-క్కి-చ్చి తండ్రితో
    నా-గెత్సెమందున-తా జొచ్చి యెదను 
    నొచ్చి బాధ-హెచ్చుగనెనట       ||మనస||

2    ఆ నిశీధ రాత్రి వేళ-నార్భటించుచు 
    నయ్యో నరాంతకుల్‌ 
    చేఁబూని యీటెలన్‌
    ఒక ఖూని వాని వలెను గట్టి
    కొంచుబోయిరా       ||మనస||

3    పట్టి దొంగవలెను గంత గట్టికన్నులన్‌ 
    మరి గొట్టి చెంపలన్‌
    వడిదిట్టి నవ్వుచున్‌
    నిను గొట్టి రెవ్వరదియు మాకు
    జెప్పు మనిరట        ||మనస||

4    ముళ్ళతోడ నొక కిరీట మల్లిప్రభు తలన్‌ 
    బెట్టి రెల్లుకఱ్ఱతో
    నా కల్ల జనములు
    రా జిల్లుమనుచుకొట్టి నవ్వి
    గొల్లుబెట్టిరా        ||మనస||

5    మొయ్యలేక సిల్వ భారము 
    మూర్ఛబోయెనా 
    ఆ య్యయ్యో జొక్కెనా
    యే సయ్యతూలెనా
    మాయయ్యనిన్‌ దలంప
    గుండె-లదరి పోయెనా       ||మనస||

6    కాలుసేతులన్‌ గుదించి కల్వరి గిరిపై 
    నిన్‌ గేలిజేయుచు
    నీ కాళ్ల మీదను
    నినుప చీలలతో గ్రుచ్చి
    నిన్ను సిల్వ గొట్టిరా       ||మనస||

7    దేవ సుతుండవైతి వేని తీవరంబుగా 
    దిగి నీవు వేగమే
    రమ్ము గావు మనుచును
    ఇట్లు గావరించి పల్కు వగర
    కరుణ జూపెనా       ||మనస||

8    తన్ను జంపు శత్రువులకు
    దయను జూపెనా
    తన నెనరు జూపెనా
    ప్రభు కనికరించెనా
    ఓ జనక ఈ జనుల క్షమించు 
    మనుచు వేఁడెనా       ||మనస||

9    తాళలేని బాధ లెచ్చి దాహ మాయెనా 
    నన్నేలువానికి
    నా పాలి స్వామికి
    నే-నేల పాపములను జేసి
    హింసపరచితి       ||మనస||

10గోడు బుచ్చి సిలువపైన నేడు మారులు 
    మాట్లాడి ప్రేమతో
    నా-నాడు శిరమును
    వంచి నేఁడు ముగిసె సర్వమనుచు 
    వీడె బ్రాణము        ||మనస||

11    మరణమైన ప్రభుని జూచి
    ధరణి వణఁకెనా
    బల్‌ గిరులు బగిలెనా
    గుడి తెరయుఁజీలెనా
    దివా కరుడు చీకటాయె
    మృతులు తిరిగి లేచిరి       ||మనస||

12ఇంత జాలి యింత ప్రేమ 
    యింత శాంతమా 
    నీ యంతఃకరుణను
    నేఁ జింతచేయగా 
    నీ వింత లెల్ల నిత్యజీవ
    విధము లాయెనా       ||మనస||