నే సాగెద యేసునితో

    నే సాగెద యేసునితో
    నా జీవిత కాలమంత(2)

1.    యేసుతో గడిపెద
    యేసుతో నడిచెద
    పరమున చేరగ నే వెళ్ళెద,
    హనోకు వలె సాగెదా...           ||నే||

2.    తల్లియే మరచిన
    తండ్రియే విడిచిన
    బంధువులే నన్ను వెలివేసినా
    బలవంతునితో సాగెదా...    ||నే||

3.    వెనుక శత్రువుల్‌ - వెంటాడినను
    ముందు సముద్రము ఎదురొచ్చినా
    మోషేవలె సాగెదా...          ||నే||

4.    మరణ శాసనం - హెచ్చరించినను   
    సింహపు బోనులో నను వేసినా
    దానియేల్‌  వలె సాగెదా...     ||నే||

5.    లోకపు శ్రమలు - నన్నెదిరించినన్‌ 
    కఠినులు రాళ్ళతో హింసించినా
    స్తెఫను వలె సాగెదా...            ||నే||

6.    బ్రతుకుట క్రీస్తే - చావయినా మేలే   
    క్రీస్తుకై హత సాక్షిగా మారిన
    పౌలు వలె సాగెదా...           ||నే||