కానాన్‌ పురము కరుగుదము

    కానాన్‌ పురము కరుగుదము
    ఓ నా సోదరులారా
    ఓ నా సోదరులారా 
    మానితంబౌ విందు నందు
    మనము చేరుదము

1    ఆ మహిమ నగరమందు
    ఆకలిదప్పులు లేవు
    ఆకలిదప్పులు లేవు
    క్షేమ మిచ్చు రాజ్యమందు
    చేరుదము రారే       ||కానాన్‌||

2    కన్నీరేమి కష్టంబేమి
    కానారాదే యందు 
    కానరాదే యందు
    యెన్నడైన చూడనట్టి
    ఎన్నో వింతలుండు      ||కానాన్‌||

3    రత్న వజ్ర గోమేధికము
    రాజిల్లు తోరణముల్‌
    రాజిల్లు తోరణముల్‌
    ముత్యాల హారంబులను
    ముచ్చటగ బొందుదము      ||కానాన్‌||

4    సుప్రశస్తమైన విందు
    చూడ బోదామందు
    చూడ బోదామందు 
    ఆ ప్రియంబౌ దూత శ్రేణిన్‌
    నానందంబు నొంద      ||కానాన్‌||

5    పరమకానాన్‌ పురమునందు
    పనులు మనువులులేవు
    పనులు మనువులు లేవు
    హల్లెలూయ పాటలతో
    ఆనందంబు నొంద      ||కానాన్‌||