అదే అదే ఆ రోజు

    అదే అదే ఆ రోజు
    యేసయ్య ఉగ్రత రోజు
    ఏడేండ్ల శ్రమల రోజు
    పాపులంతా యేడ్చే రోజు       ||అదే||

1    సూర్యుడు నలుపయ్యే రోజు
    చంద్రుడు ఎరుపెక్కే రోజు
    భూకంపం కలిగే రోజు
    దిక్కులేక అరిచే రోజు
    ఆ రోజు శ్రమ నుండి
    తప్పించే నాధుడు లేడు        ||అదే||

2    వ్యభిచారులు యేడ్చేరోజు
    మోసగాళ్ళు మసలే రోజు
    అబద్ధికులు అరచే రోజు
    దొంగలంతా దొర్లే రోజు
    ఆ రోజు శ్రమ నుండి
    తప్పించే నాధుడు లేడు         ||అదే||

3     పిల్ల జాడ తల్లికి లేక
    తల్లి జాడ పిల్లకు రాక
    చెట్టుకొక్కరు పుట్టకొక్కరై
    అనాధలై అరచే రోజు
    ఆ రోజు శ్రమ నుండి
    తప్పించే నాధుడు లేడు          ||అదే||

4    ఓ మనిషి యోచింపవా
    నీ బ్రతుకు ఎలా ఉన్నదో
    బలము చూచి భంగ పడకుమా
    ధనము చూచి దగా పడకుమా
    ఆ రోజు శ్రమ నుండి
    తప్పించే నాధుడు లేడు         ||అదే||