భయమేల జనులారా

    భయమేల జనులారా 
    ప్రియ రక్షకుని చేర
    జయశీలుండౌ యేసున్‌
    భయభక్తులతో ప్రార్థింపన్‌

1    వేష భాషలు మాని
    మోస మార్గము వీడి
    దోషంబులను బాపున్‌
    నీ సురక్షకుని యాసించు      ||భయ||

2    తిన్నని మార్గము విడిచి
    అన్న యేసుని మరచి
    ఎన్నాళ్ళు పాపములో
    నీదులాడుచు నుండెదవు?    ||భయ||

3    మన కలుషంబులు గడుగన్‌
    మన గాయంబులు మాన్పన్‌
    తన రక్తంబును గార్చెన్‌
    మనకై తన ప్రాణము బెట్టెన్‌   ||భయ||

4    సిలువలో నీ కొరకై కలిగించె రక్షణను 
    పలుమారు గాయములన్‌ - తలచుచు 
    ధ్యానించుము ప్రభుని       ||భయ||

5    హృదయంబు మోసంబు    
    హృదయంబు ఘోరంబు
    హృదయ వ్యాధిని మాన్ప
    యెద నేరికైనను  దరమే       ||భయ||

6    హృదయ మంతటినిచ్చి
    హృదయ శుద్ధిని బొంది
    హృదయ మంతటితోను 
    సదయుండేసుని భజియింపన్‌ ||భయ||

7    జీవంబు మార్గంబు
    సత్యంబులను జూపెన్‌
    భావంబులను మార్చి
    జీవజలంబులు దయచేయున్‌ ||భయ||

8    కోరుదువా యా ప్రభుని
    జేరుదువా యీ క్షణమే
    కోరెడు వారిని నేడే
    కోరిక దీరను రక్షించున్‌        ||భయ||