యెహోవా మా తండ్రి గాఁడ

    యెహోవా మా తండ్రి గాఁడ
    యేసుఁడు మా యన్న గాఁడ
    మహిమ గల శుద్ధాత్మ యిట్టి
    వరుస దెలిపెంగద మా తోడ 

1    మోక్ష నగరు మా పుట్టిల్లు
    ముఖ్య దూతల్‌ మా స్నేహితులు 
    సాక్షాత్కారమైయున్నపుడు
    లక్ష్యపెట్ట మిహ బాధలకు      ||యెహో||

2    అబ్రాహాము దావీదు మొదలైనట్టి
    వర భక్తాగ్రేసరులే
    శుభ్రముగ మా చుట్టా లైనన్‌
    హర్షిమిఁక మా కేమి కొదువ  ||యెహో||

3     పేతురాది సకలాపోస్తుల్‌
    పేర్మిగల మా నిజ కూటస్థుల్‌
    ఖ్యాతి సభలో మేమున్నప్పుడు    
    ఘనతలిక మాకేమి వెలితి       ||యెహో||

4    తనువు బలిపెట్టెను మా యన్న
    తప్పు ల్విడఁగొట్టెను మా తండ్రి 
    మనసులో సాక్ష్యమిట్లున్న 
    మనుజులెట్లన్నను-మాకేమి ||యెహో||

5    పరమ విభు జీవ గ్రంథములో
    బ్రభుని రక్తాక్షరముద్రితమె
    చిరముగా నుండు మా పేరు
    చెఱుపు బెట్టెడు వారింకెవరు ||యెహో||

6    కరములతో నంటరాని
    కన్నులకు గోచరముగాని
    పరమ ఫలముల్‌ మాకున్నపుడు
    సరకు గొన మిక్కడి లేములకు