తరుణమిదే-తరుణమిదే

    తరుణమిదే-తరుణమిదే
    పాపికి తరుణమిదే
    పరలోకము చేరుటకు
    ఆ నరకము తప్పుటకు

1    నీ ఆయువు నాలోచించుము
    నీ బ్రతుకును ఆలోచించుము
    నీ పాప ఫలితమెపుడో
    బహు భయంకర నరకమయా||తరు||

2    నీ పాపపు పరుగులతో
    ప్రళయాగ్నిలో చేరెదవా
    పరలోకపు మార్గమును
    తిరస్కారము చేసెదవా    ||తరు||

3    నీ కొరకై శ్రీ యేసు
    ఆ సిలువలో బలియాయెన్‌
    నీ రక్షణ గోరి సదా
    సువార్తను వినిపించెన్‌    ||తరు||

4    ప్రభు యేసుని రక్తములో
    పరిశుద్ధుడవై ధరలో
    పరమానందము నొందన్‌
    త్వరపడిరా ప్రార్థింపన్‌    ||తరు||

5    కృప కాలము దాటగనే
    అపాయపు దినములలో
    మనుజాళికి మహ శ్రమలు   
    కనిపించదు ఆశ్రయము    ||తరు||

6    నీ దేవుని సన్నిధిలో
    కనబడుటకు సిద్ధపడుమా
    నేడే రక్షణ దినము
    లోక కీడును విడచి రమ్ము    ||తరు||